NYAKIZEE ABAINISHA MIKAKATI YA TAKUKURU (M) KINONDONI

Kaimu Mkuu wa Takukuru (M) Kinondoni Christian Nyakizee wakati akizungumza na wanahabari jijini Dar es salaam akitoa taarifa ya majukumu waliyoyafanya katika kipindi cha mwezi Julai hadi Septemba mwaka huu.

Baadhi ya wanahabari waliohudhuria  mkutano wa Kaimu Mkuu wa Takukuru (M) Kinondoni Christian Nyakizee akitoa taarifa ya majukumu waliyoyafanya katika kipindi cha mwezi Julai hadi Septemba mwaka huu.

.......................

NA MUSSA KHALID

Taasisi ya kuzuia na Kupambana na Rushwa Mkoa wa TAKUKURU Kinondoni imepokea Jumla ya Malalamiko 104,yaliyohusu rushwa yakiwa  72 huku yasiyohusu Rushwa yakiwa  32 katika kipindi cha mwezi Julai hadi Septemba mwaka huu.

Hayo yameelezwa leo jijini Dar es salaam na Kaimu Mkuu wa Takukuru (M) Kinondoni Christian Nyakizee wakati akizungumza na wanahabari akitoa taarifa ya majukumu waliyoyafanya kwa kipindi hicho.

Aidha Nyakinzee amesema kuwa katika kipindi hicho pia wamefungua mashauri mapya mawili katika mahakama ya wilaya ya Ubungo, ambapo mashauri saba yaliyolewa maamuzi na Jamhuri imeshinda mashauri matatu huku 24 yakiwa yanaendelea mahakamani.

Kuhusu uzuiaji rushwa,amesema wamefuatili miradi miradi sita yenye thamani ya Bill 15 ambayo imeendelea na utekelezaji ambapo wamebaini mapungufu na wanaendelea kufuatilia mpaka itakapokamilika.

“Katika kipindi hicho pia tumefanikiwa kufungua mashauri mapya mawili (02) katika Mahakama ya Wilaya ya Ubungo, huku mashauri saba (7) yalitolewa maamuzi na Jamhuri imefanikiwa kushinda mashauri matatu (3) na mashauri 24 yanaendelea mahakamani”amesema Nyakinzee 

Kaimu Mkuu huyo wa TAKUKURU Kinondoni amesema katika uchambuzi wa mfumo ambao wamefanya  wamebaini kuwepo kwa changamoto katika utengenezaji wa Ankara unaotokana na uwepo wa dira za maji ndani ya makazi ya wateja hivyo kupelekea ucheleweshaji kwenye usomaji wa dira kwa kutofika kwa wakati.

Katika Hatua nyingine TAKUKURU Mkoa Kinondoni imejipanga kuelekea uchaguzi wa serikali za mitaa kuendelea kuelimisha wananchi wajue madhara ya rushwa na wahamasike kushirikiana na Taasisi hiyo kutokomeza Rushwa kuanzia sasa mpaka wakati wa uchaguzi.