NCT KUWAPIKA WARATIBU MATUKIO.

Kaimu Makamu Mkuu Wa Chuo Cha Taifa Cha Utalii -Nct, Bi Jesca William Akizungumza Jijini Dar Es Salaam

Wadau wa waratibu matukio -MC's, wakifatilia mafunzo ya Chuo cha Taifa cha Utalii

............................

Na: Issa Mohamed.

Email: issahmohamedtz@gmail.com

Kaimu Makamu Mkuu  wa Chuo cha Taifa cha Utalii –NCT, Bi Jesca William amesema chuo hicho kimekusudia kuwatumia waratibu matukio –MC ili kujipambanua katika kutangaza sekta ya Utalii kupitia kumbi mbalimbali za mikutano.

Ametoa Kauli hiyo Jijini Dar es salaam katika mafunzo ya Muda mfupi na kuwakutanisha wadau wa tasnia hiyo lengo ni kuwatambulisha fursa mbalimbali zinazotolewa na Chuo hicho.

Amesema ni wazi kuwa tasnia hiyo imeendelea kukua kwa kasi ambapo ametumia nafasi hiyo kuwaelekeza wadau wanaoratibu matukio kujikita zaidi katika kutangaza utalii wa matukio ili kukuza pato la Taifa kupitia sekta hiyo.

‘’Kwa sasa hivi tunaangalia kama chuo tunaweza kusaidia uratibu wa mikutano ili kukuza Utalii lengo letu ni kutaka kuangalia mahitaji alisi ya soko pamoja na kuleta program mbalimbali ili kuwa chachu ya kukuza utalii hapa Nchini’’ Amesema Bi Jesca

Nao baadhi ya wadau walioshiriki mafunzo hayo wamesema kuwa watatumia nafasi hiyo kutangaza Utalii huo hasa wakati wa kusherehesha matukio katika kumbi mbalimbali.

Kwa mujibu wa Wizara ya Maliasili na Utalii imeonesha kuwa sekta hiyo huchangia asilimia 25 ya fedha za kigeni na zaidi ya asilimia katika pato la Taifa –GDP.