Waziri
wa Kilimo Hussein Bashe amesema kuwa
serikali itaendelea kuratibu upatikanaji wa mbolea nchini kwa kutoa mbolea ya
ruzuku kwa wakulima hadi mwaka 2025/2026 ili
kuongeza matumizi ya mbolea kutoka kilo 19 kwa hekta hadi kufikia kilo
50 kwa hekta.
Hayo
yamesemwa leo na Waziri wa Kilimo Hussein Bashe
wakati akiwasilisha bungeni makadirio ya bajeti ya Wizara yake kwa mwaka
2023/2024 jijiini Dodoma.
Waziri
Bashe amesema serikali kupitia Mamlaka ya Udhibiti wa Mbolea Tanzania (TFRA)
inaendelea na usajili wa wakulima katika mfumo wa kidigitali ili kulifanya
Taifa kuwa na uhakika wa takwimu na taarifa za wakulima.
Aidha,
Waziri Bashe amesema serikali kupitia TFRA itaendelea kuratibu uingizwaji wa wa
tani 750,000 za mbolea nchini.
Waziri
wa Kilimo ameongeza kuwa Wizara yake
itaiwezesha Kampuni ya Mbolea (TFC) kupata billioni 40 kama mtaji na hivyo
kuongeza mtaji wa kampuni hilo na kuwa bilioni 46 kwa ajili ya kununua mbolea
na kununua ardhi ya kujenga kiwanda cha kuchanganya mbolea kwa kushirikiana na
sekta binafsi.
"Hatua
hii inalenga kupunguza utegemezi wa mbolea kutoka nje ya nchi na kuimarisha
upatikanaji wa mbolea kulingana na afya ya udongo ya eneo husika", alisema
Waziri Bashe.
Akizungumzia
kuhusu upatikanaji wa mbolea Waziri Bashe amesema Wizara kupitia TFRA ilipanga
kuratibu uingizaji, uzalishaji na usambazsji wa wa tani 650, 000 za mbolea kwa
msimu wa 2022/2023 unaoishia mwezi Juni
2023.
Hadi
kufikia Aprili 2023 upatikanaji wa mbolea umefikia tani 819,442 ikiwa ni
asilimia 126 ya lengo
Kiasi hicho kimetokana na tani 75, 399 zilizozalishwa nchini, tani 617, 079 zilizoagizwa nje ya nchi na tani 126, 964 ikiwa ni bakaa ya msimu wa 2021/2022' alisema Bashe, na kuongeza kuwa hili ni ongezeko la asilimia 46 ikilinganishwa na msimu wa 2021/2022 ambapo upatikanaji wa mbolea ulikuwa tani 560, 551.
Post a Comment