FCC YAHIMIZWA KUIMARISHA UDHIBITI WA BIDHAA BANDIA

 

*******

Serikali imewataka Wamiliki wa nembo nchini kuhakikisha wanafuatilia bidhaa zao sokoni na kutoa taarifa katika Tume ya ushindani (FCC) pale wanapo baini uwepo wa bidhaa zinazoiga alama za bidhaa zao kwa maana ya bidhaa ya bandia.

Hayo yamesemwa na Naibu Waziri Wizara ya Viwanda na Bishara, Exaud Kigahe wakati akimwakilisha Waziri Mkuu Kassim Majaliwa katika Kongamano la maadhimisho ya kuthibiti bidhaa bandia Duniani.

Aidha ameiomba Fcc kushirikiana na wamiliki wa nembo na mamlaka nyingine za serikali katika kuimarisha udhibiti wa biashara haramu za bidhaa bandia na kuhakikisha kuwa wawekezaji wanakuwa na imani ya kuwekeza nchini.

Kwa upande wake  Mkurugenzi Mkuu wa Tume ya ushindani FCC William Erio amesema kuwa licha ya elimu kutolewa kwa wananchi juu ya utambuzi wa bidhaa bandia bado kuna haja ya kuendelea kuzungumza na wafanyabiashara umuhimu wa kuweka alama au nembo katika bidhaa zao.