TMA YAWAPONGEZA WANAHABARI,YASISITIZA KUENDELEA KUWA MABALOZI WAZURI WA TAARIFA ZA HALI YA HEWA.

Mkurugenzi Mkuu wa Mamlaka ya Hali ya Hewa nchini (TMA)  na Makamu Mwenyekiti wa Jopo la Kimataifa la Sayansi na Mabadiliko ya Hali ya Hewa Duniani Dkt Ladislaus Chang’a wakati akifungua warsha maalum ya wanahabari kuhusu kuelekea utabiri wa msimu wa mvua za Vuli Oktoba hadi Disemba mwaka huu ambayo imefanyika leo katika Ukumbi wa Chuo cha Taifa cha Usafirishaji (NIT) jijini Dar es salaam. 

Wataalamu wa Hali ya Hewa kutoka  Mamlaka ya Hali ya Hewa nchini (TMA) wakiwa kwenye warsha maalum ya wanahabari kuhusu kuelekea utabiri wa msimu wa mvua za Vuli Oktoba hadi Disemba mwaka huu ambayo imefanyika leo katika Ukumbi wa Chuo cha Taifa cha Usafirishaji (NIT) jijini Dar es salaam.

Baadhi ya wanahabari wakielezea waliyojifunza,matokeo na mafanikio ambayo wameyapata Mamlaka ya Hali ya Hewa nchini (TMA)  warsha maalum ya wanahabari kuhusu kuelekea utabiri wa msimu wa mvua za Vuli Oktoba hadi Disemba mwaka huu ambayo imefanyika leo katika Ukumbi wa Chuo cha Taifa cha Usafirishaji (NIT) jijini Dar es salaam.

Picha ya Pamoja ya wanahabari,wataalamu na Mkurugenzi Mkuu wa Mamlaka ya Hali ya Hewa nchini (TMA)  na Makamu Mwenyekiti wa Jopo la Kimataifa la Sayansi na Mabadiliko ya Hali ya Hewa Duniani Dkt Ladislaus Chang’a katika warsha maalum ya wanahabari kuhusu kuelekea utabiri wa msimu wa mvua za Vuli Oktoba hadi Disemba mwaka huu ambayo imefanyika leo katika Ukumbi wa Chuo cha Taifa cha Usafirishaji (NIT) jijini Dar es salaam.

...................

NA MUSSA KHALID

Mamlaka ya Hali ya Hewa nchini (TMA) imewapongeza wanahabari kwa mchango wao wa kuhakikisha taarifa za awali zinafikia jamii kwa wakati na kwa lugha inayoeleweka kupitia vyombo vyao vya habari.

Pia imewasisitiza wanahabari kuendelea kuwa mabalozi wazuri kuelezea na kusisitiza umuhimu wa matumizi ya taarifa za hali ya hewa kwa jamii katika shughuli zote za kiuchumi na kimaendeleo.

Hayo yameelezwa leo jijini Dar es salaam na Mkurugenzi Mkuu wa TMA na Makamu Mwenyekiti wa Jopo la Kimataifa la Sayansi na Mabadiliko ya Hali ya Hewa Duniani Dkt Ladislaus Chang’a wakati akifungua warsha maalum ya wanahabari kuhusu utabiri wa msimu wa mvua za Vuli Oktoba hadi Disemba mwaka huu.

Aidha Dkt Chang’a amewataka wanahabari kuhakikisha wanatumia fursa za taarifa za hali ya Hewa zinazotolwa na Jumuiya ya Kimataifa ili kuweza kuzisambaza na jamii ipate uelewa.

‘Mamlaka imeendelea kutoa huduma za utabiri wa maeneo madogo kwa wilaya zote za mikoa iliyopo katika ukanda unaopata mvua za Vuli. Utabiri wa Wilaya 86 umeandaliwa kwa maeneo husika. Hivyo, natoa wito kwenu wanahabari kuhakikisha kila wilaya na kila sekta inapata taarifa hizi kwa wakati ili wafanye maamuzi na kuweka mipango ya kuboresha huduma zao kwa lengo la kuongeza tija na kupunguza madhara ya hali mbaya ya hewa yanapojitokeza, kwa namna hii itafanya taarifa hizi za utabiri ziwe na tija iliyokusudiwa’amesema Dkt Chang’a

Dkt Chang’a amesema kuwa Mamlaka imeendelea kutoa utabiri wa misimu mbalimbali pamoja na tahadhari pindi kunapokuwa na matarajio ya hali mbaya ya hewa ili kusaidia wakulima,wadau mbalimbali na wananchi kwa ujumla kuweza kuchukua tahadhari. 

Awali akizungumza Mkurugenzi wa Huduma za Utabiri TMA Dkt Hamza Kabelwa ametumia fursa hiyo kuwapongeza wanahabari na kusema nao wamekuwa ni watabiri kutokana na kufahamu mambo mengi.

‘Hawa wanahabari wote ni watabiri vilevile kwa hiyo wanaongeza mchango wao katika namna ya kuboresha na pia wanafahamu maana ya El Nino na La Nina kutokana na namna wamekuwa wakijifunza mara kwa mara’amesema Dkt Kabelwa

Akizungumza kwa niaba ya wanahabari Mwandhi Bernard Lugongo kutoka gazeti la Dailynews,amesema taaria ambazo wamekuwa wakizitoa zimepelekea serikali pamoja na wadau mbalimbali kuweka mikakati ya kukabiliana na athari zinazoweza kujitokeza.

Hata hivyo Mamlaka hiyo hapo kesho inatarajia kutoa utabiri wa msimu wa Mvua za Vuli kuanzia Oktoba hadi Disemba mwaka huu,hivyo wananchi wametakiwa kuendelea kufuatilia taarifa sahihi zinazotolewa na Mamlaka hiyo.