VIJANA NCHINI WASHAURIWA KUCHANGAMKIA FURSA KATIKA SEKTA YA KILIMO NA MIFUGO.

Wadau mbalimbali walipotembelea ufugaji wa kisasa unaofanywa na Ayubu Urio na kupata elimu.namna ya ufugaji bora  wa kisasa wa ng'ombe wa maziwa.

...............

Happy Lazaro,Arusha .

Vijana nchini wameshauriwa kuchangamkia fursa zilizopo kwenye sekta ya kilimo.na Mifugo kwani kuna fursa nyingi sana zitakazowasaidia kujiajiri na  kujikwamua kiuchumi.

Hayo yamesemwa mkoani Arusha na Mkulima na Mfugaji wa ng'ombe  bora wa maziwa pamoja  na kuku ,Ayubu Urio wakati akizungumza  na waandishi wa habari mkoani Arusha.

Urio amesema kuwa,sekta  ya Mifugo na kilimo ni sekta ambayo inachangia  pato kubwa kwa Taifa na limekuwa likitoa  ajira  nyingi sana kwa wananchi wake. 

Amefafanua zaidi kuwa,umefika wakati sasa wa vijana kujikita  zaidi katika kilimo  na ufugaji kwani kinalipa  kwa  kiwango kikubwa sana na kinatoa  fursa za ajira kwa idadi kubwa ya wananchi. 

"Nawaomba sana vijana wasiendelee  kualamika kuhusu ajira badala yake wachangamkiem fursa zilizopo katika  sekta hizo  kwani kuna mafanikio makubwa sana kutokana na soko kuendelea kupanuka ndani  na nje ya nchi."amesema .

Aidha amesema kuwa amekuwa akifanya ufugaji bora  na wa kisasa ambapo kupitia ufugaji wake amekuwa akifundisha wafugaji namna bora ya ufugaji wa kisasa kwa kutumia shamba darasa ambapo wafugaji wamekuwa wakitoka maeneo mbalimbali kwa ajili ya kuja kujifunza na kupata elimu zaidi juu ya ufugaji bora "amesema .

Urio ameongeza kuwa ,tangu ameanza kujishughulisha na ufugaji wa ng'ombe wa maziwa amepata mafanikio makubwa sana na kuweza kuwa mfano  bora wa kuigwa kwa wakulima kutoka mkoa  wa Arusha na nje ya mkoa  wa Arusha .

"Nawakaribisha wafugaji  kutoka maeneo mbalimbali kuja kujifunza ufugaji bora wa kisasa na kuweza kufanya  ufugaji wenye tija utakaowasaidia  kujikwamua kiuchumi. "amesema .