MTANZANIA ACHAGULIWA MJUMBE WA VIJANA AU

************

Mwanadiplomasia kijana na mwanaharakati wa Mabadiliko ya Tabianchi kutoka Tanzania, Sylviabay Kijangwa, amechaguliwa kuwa mjumbe wa WiseYouth, chini ya Baraza la Wazee Afrika chini ya Baraza la Amani na Usalama la Umoja wa Afrika akiiwakilisha  kanda ya Afrika Mashariki.

 Sylviabay aliyechaguliwa Oktoba 01,2024 katika Makao Makuu ya Umoja wa Afrika,Addis Ababa Ethiopia kwa kipindi cha miaka mitatu atachangia katika kuzuia migogoro, upatanishi, na kushirikisha vijana katika juhudi za kujenga amani barani Afrika.

 Uteuzi huu unathibitisha nafasi yake muhimu kama Mwanadiplomasia kijana mwenye uzoefu mkubwa katika masuala ya kijinsia, mabadiliko ya tabianchi, migogoro na usalama, na kumuweka mstari wa mbele katika kukuza uongozi wa vijana na amani endelevu barani Afrika.

 Uteuzi huu unaonesha uzoefu wake mkubwa katika masuala ya kijinsia, haki ya hali ya hewa, na amani, na unamtambulisha kama kijana kiongozi anayesukuma mbele ajenda ya amani endelevu na uongozi wa vijana barani Afrika.