TAKUKURU (W) KIGAMBONI YAJA NA UJUMBE WA MAPAMBANO DHIDI YA RUSHA

Mkuu wa Taasisi ya Kuzuia na Kupambana na Rushwa Wilaya ya Kigamboni Mkoani Dar es salaam Emmanuel Boayi Tarmo akipongezana na Patrick Christopha Kayanda ambaye ni Mwenyekiti wa waendesha Bajaji na Pikipiki Wilaya ya Kigamboni –CMPD katika hafla ambayo imefanyika leo kwenye ofisi za Taasisi hiyo zilizopo Kigamboni

Mkuu wa Taasisi ya Kuzuia na Kupambana na Rushwa Wilaya ya Kigamboni Mkoani Dar es salaam Bw. Emmanuel Boay Tarmo na viongozi wa CMPD Kigamboni na Temeke!

Maafisa usafirishaji na waandishi wakiwa na pikipiki zenye ujumbe wa kuzuia vitendo vya rushwa kwenye uchaguzi usemao “Tumia vyema fursa ya kuchagua au kuchaguliwa bila vitendo vya rushwa

Baadhi ya vyombo vya usafirishaji aina ya Bajaji vikiwa vimewekewa stika maalum yenye ujumbe maalum wa "Tumia vyema fursa ya kuchagua au kuchaguliwa bila vitendo vya Rushwa"

........................

NA MUSSA KHALID

Taasisi ya Kuzuia na Kupambana na Rushwa Wilaya ya Kigamboni Mkoani Dar es salaam imesema jitihada zinazofanyika za kuielimisha jamii kuhusu mapambano dhidi ya Rushwa kuelekea uchaguzi ni kutimiza katiba ya Tanzania ibara ya 21inayozungumzia haki ya kuchagua na kuchaguliwa na mwananchi kushiriki zoezi hilo.

 

Mkuu wa TAKUKURU Wilaya ya Kigamboni Emmanuel Boayi Tarmo amesema hayo wakati alipowapa semina elekezi wadau wa usafirishaji wa bajaji kuhusu kwenda kusimamia na kutoa elimu kupitia vyombo vyao yenye ujumbe muhimu wa "Tumia vyema fursa ya kuchagua au kuchaguliwa bila vitendo vya Rushwa"

 

Tarmo amewapongeza maafisa wa usafirishaji kwa kuamua kushirikiana na TAKUKURU kufikisha ujumbe wa Mapambano dhidi ya Rushwa kwa wananchi katika kuelekea Uchaguzi wa Serikali za mitaa ambao unatarajiwa kufanyika Nov 27 mwaka huu.

 

Amesema kuwa kama TAKUKURU Wilaya ya Kigamboni wana jukumu kubwa la kuhakikisha wanazuia vitendo vya Rushwa katika uchaguzi huo kwa kuielimisha umma namna ya kuepukana na vitendo hivyo.

 

‘Hawa wenzetu wasafirishaji tumekuwa tukishirikiana kwa muda mrefu katika mapambano dhidi ya Rushwana wao kwa hiyari hao wamejitolea kama wananchi wazalendo wa Tanzania kubeba ujumbe wa kuzuia vitendo vya Rushwa katika uchaguzi hivyo niwapongeze sana kwa julitoa kwao na wametimiza wajibu wao’amesema Mkuu TAKUKURU (W) Kigamboni

 

Aidha amewapongeza kwa kujitoa kwao kwani wametimiza wajibu wakienda sambamba na kauli mbiu ya TAKUKURU isemayo "Kuzuia Rushwa ni jukumu lako na langu tutimize wajibu wetu" jambo ambalo linaimarisha ushirikiano.

Patrick Christopha Kayanda ni Mwenyekiti wa waendesha Bajaji na Pikipiki Wilaya ya Kigamboni –CMPD amesema watahakikisha wanakwenda kuyafanyia kazi maelekezo yote waliyopatiwa na TAKUKURU ili kuifanya Kigamboni kuwa salama katika mapambano dhidi ya Rushwa. 

Hata hivyo Taasisi hiyo imeendelea kuwasisitiza wananchi kushirikishi mapambano dhidi ya rushwa katika kipindi hiki cha kuelekea uchaguzi wa serikali za mitaa ili kweza kuchagua na kumpata kiongozi aliyebora.