NAIBU WAZIRI ATANGAZA MIKAKATI YA KUPUNGUZA TAKA NA KUIMARISHA UCHAKATAJI

*****

Imeelezwa kwamba tafiti zinaonyesha kuwa zaidi ya asilimia 60 ya taka zinazozalishwa mijini zinaweza kuchakatwa au kutumika tena. Hata hivyo, kutokana na changamoto za mifumo ya ukusanyaji na usimamizi wa taka, sehemu kubwa huishia kwenye madampo au kutupwa ovyo, hali inayosababisha kushindwa kutumika tena.

Akizungumza leo Machi 30, 2025, jijini Dar es Salaam, Naibu Waziri Ofisi ya Makamu wa Rais (Muungano na Mazingira), Khamis Hamza, wakati wa Maadhimisho ya Siku ya Kimataifa ya Kuondoa Taka, yaliyofanyika katika viwanja vya Mnazi Mmoja, alisema:

Aidha, amesema serikali kupitia Ofisi ya Makamu wa Rais na NEMC imeweka mikakati madhubuti ya kudhibiti taka kwa kutumia dhana ya "Punguza, Tumia Tena na Rejeleza" kama ilivyoainishwa katika Mwongozo wa Udhibiti wa Taka Ngumu.

"Serikali inahamasisha matumizi ya teknolojia za kisasa za kuchakata taka, uwekezaji katika viwanda vya urejelezaji, na kuimarisha mifumo ya ukusanyaji wa taka ili kuhakikisha taka zinapunguzwa, zinatumika tena, na zinachakatwa kwa ufanisi," amesema.

Kwa upande wake, Mkurugenzi Mkuu wa NEMC, Dkt. Immaculate Sware Semesi, amesema dhana ya "Punguza, Tumia Tena na Rejeleza" ni msingi wa usimamizi endelevu wa taka na inahimiza matumizi bora ya rasilimali zetu ili kupunguza uchafuzi wa mazingira.

Hata hivyo, amesema uwekezaji katika teknolojia za uchakataji wa taka za nguo, kama mashine zinazoweza kuchakata pamba na polyester, utapunguza taka za nguo zinazotupwa na kuchafua mazingira.

Amesema kuwa kwa kuzingatia dhana ya "Punguza, Tumia Tena na Rejeleza," tunajenga jamii inayojali mazingira na kuchochea uchumi wa mzunguko, ambao unalenga matumizi endelevu ya rasilimali.

Takribani tani milioni 7 za taka ngumu huzalishwa hapa nchini kila mwaka, ambapo wastani wa asilimia 45 hadi 50 tu hukusanywa na kutupwa dampo, na vilevile asilimia 50 hadi 55 hubaki kwenye mazingira na kuzagaa kwenye mito, mifereji ya maji taka na mitaro ya maji ya mvua.

Hata hivyo, matokeo ya Sensa ya Taifa ya Watu na Makazi ya mwaka 2022 yanaonesha kuwa asilimia 40 ya kaya zinachoma taka ngumu, na asilimia 22 ya kaya zinazotumia njia ya ukusanyaji wa mara kwa mara.

Hii ni marekebisho ya kiundishi ili kuondoa makosa madogo na kuifanya habari iwe wazi na rahisi kusomeka.