Mufti na Sheikh Mkuu wa Tanzania, Abubakari Zuberi, anatarajiwa kuongoza hafla ya kuwaaga zaidi ya mahujaji 4,000 wanaokwenda kutekeleza Ibada ya Hijja mwaka 1447/2026 katika ardhi takatifu ya Saudi Arabia.
Hafla hiyo itahusisha dua maalum pamoja na nasaha kwa mahujaji kabla ya kuanza safari yao kuelekea miji mitakatifu ya Makka na Madina kwa ajili ya kutekeleza ibada hiyo muhimu kwa Waislamu.
Akizungumza kuhusu maandalizi ya safari hiyo, viongozi wa dini wamewataka mahujaji kuzingatia maadili mema, kudumisha umoja na kufuata taratibu zote za Hijja ili kuhakikisha wanatekeleza ibada hiyo kwa amani na utulivu.
Aidha, taasisi zinazoratibu safari za Hijja kwa kushirikiana na Serikali zimesema maandalizi muhimu yamekamilika kwa kiwango kikubwa ili kuhakikisha mahujaji wanapata huduma stahiki katika kipindi chote cha safari yao.
Mahujaji hao wanatarajiwa kuanza safari kwa awamu mbalimbali kuelekea Makka na Madina kwa ajili ya kutekeleza ibada ya Hijja ya mwaka huu wa Kiislamu wa 1447/2026.
Post a Comment